Setup Menus in Admin Panel

Birth of Holy Prophet ﷺ

[urdu]

ولادت با سعادت

حضوراقدس صلی اللہ تعالیٰ علیہ وسلم کی ولادت باسعادت واقعہ ”اصحاب فیل”سے پچپن دن کے بعد 12ربیع الاول مطابق 20 ا پر یل 571؁ کوہوئی ۔ اہل مکہ کا بھی اسی پر عملدرآمد ہے کہ وہ لوگ بارہویں ربیع الاول ہی کو کاشانۂ نبوت کی زیارت کے لئے جاتے ہیں اور وہاں میلاد شریف کی محفلیں منعقد کرتے ہیں۔
(مدارج النبوۃ ج2 ص14)
تاریخ عالم میں یہ وہ نرالااور عظمت والا دن ہے کہ اسی روز عالم ہستی کے ایجاد کا باعث، گردش لیل و نہار کا مطلوب، خلق آدم کارمز، کشتی نوح کی حفاظت کا راز، بانی کعبہ کی دعا،ابن مریم کی بشارت کا ظہور ہوا۔کائناتِ وجود کے الجھے ہوئے گیسوؤں کو سنوارنے والا، تمام جہان کے بگڑے نظاموں کو سدھارنے والا یعنی سند الاصفیاء، اشرف الانبیاء، احمد مجتبیٰ،محمد مصطفی صلی اللہ تعالیٰ علیہ وسلم عالمِ وجود میں رونق افروز ہوئے اور پاکیزہ بدن، ناف بریدہ، ختنہ کئے ہوئے خوشبو میں بسے ہوئے بحالت سجدہ، مکہ مکرمہ کی مقدس سرزمین میں اپنے والد ماجد کے مکان کے اندر پیدا ہوئے باپ کہاں تھے جو بلائے جاتے اور اپنے نونہال کو دیکھ کر نہال ہوتے۔ وہ تو پہلے ہی وفات پا چکے تھے۔ دادا بلائے گئے جو اس وقت طوافِ کعبہ میں مشغول تھے۔ یہ خوشخبری سن کر
دادا ”عبدالمطلب” خوش خوش حرم کعبہ سے اپنے گھر آئے اور والہانہ جوشِ محبت میں اپنے پوتے کو کلیجے سے لگا لیا۔ پھر کعبہ میں لے جا کر خیروبرکت کی دعا مانگی اور ”محمد” نام رکھا۔
( المواھب اللدنیۃ مع شرح الزرقانی، ولادتہ…الخ،ج1،ص232)
آپ صلی اللہ تعالیٰ علیہ والہ وسلم کے چچا ابو لہب کی لونڈی”ثویبہ” خوشی میں دوڑتی ہوئی گئی اور ”ابو لہب” کو بھتیجا پیدا ہونے کی خوشخبری دی تو اس نے اس خوشی میں شہادت کی انگلی کے اشارہ سے ”ثویبہ” کو آزاد کر دیا جس کا ثمرہ ابو لہب کو یہ ملاکہ اس کی موت کے بعد اس کے گھر والوں نے اس کو خواب میں دیکھااور حال پوچھا،تو اس نے اپنی انگلی اٹھا کر یہ کہا کہ تم لوگوں سے جدا ہونے کے بعد مجھے کچھ(کھانے پینے) کو نہیں ملا بجز اس کے کہ ”ثویبہ” کو آزاد کرنے کے سبب سے اس انگلی کے ذریعہ کچھ پانی پلا دیا جاتاہوں۔

(بخاری ج2 باب و امہاتکم التی ارضعنکم)

اس موقع پر حضرت شیخ عبدالحق محدث دہلوی رحمۃاللہ تعالیٰ علیہ نے ایک بہت ہی فکر انگیز اور بصیرت افروز بات تحریر فرمائی ہے جو اہل محبت کے لئے نہایت ہی لذت بخش ہے،وہ لکھتے ہیں کہ
اس جگہ میلاد کرنے والوں کے لئے ایک سند ہے کہ یہ آنحضرت صلی اللہ تعالیٰ علیہ وسلم کی شب ولادت میں خوشی مناتے ہیں اور اپنا مال خرچ کرتے ہیں ۔مطلب یہ ہے کہ جب ابو لہب کو جو کافر تھااور اس کی مذمت میں قرآن نازل ہوا، آنحضرت صلی اللہ تعالیٰ علیہ وسلم کی ولادت پر خوشی منانے،اور باندی کا دودھ خرچ کرنے پرجزا دی گئی تو اس مسلمان کا کیا حال ہو گا جو آنحضرت صلی اللہ تعالیٰ علیہ وسلم کی محبت میں سرشار ہو کر خوشی مناتا ہے اور اپنا مال خرچ کرتا ہے۔
(مدارج النبوۃ ج2 ص19)

مولد النبی صلی اللہ تعالیٰ علیہ وسلم

جس مقدس مکان میں حضوراقدس صلی اللہ تعالیٰ علیہ وسلم کی ولادت ہوئی،تاریخ اسلام میں اس مقام کا نام ”مولد النبی صلی اللہ تعالیٰ علیہ وسلم ” (نبی کی پیدائش کی جگہ) ہے ،یہ بہت ہی متبرک مقام ہے۔ سلاطینِ اسلام نے اس مبارک یادگار پر بہت ہی شاندار عمارت بنا دی تھی،جہاں اہل حرمین شریفین اور تمام دنیا سے آنے والے مسلمان دن رات محفل میلاد شریف منعقد کرتے اور صلوٰۃ و سلام پڑھتے رہتے تھے۔ چنانچہ حضرت شاہ ولی اللہ صاحب محدث دہلوی رحمۃ اللہ تعالیٰ علیہ نے اپنی کتاب ”فیوض الحرمین” میں تحریر فرمایا ہے کہ میں ایک مرتبہ اس محفل میلاد شریف میں حاضر ہوا،جو مکہ مکرمہ میں بارہویں ربیع الاول کو ”مولد النبی صلی اللہ تعالیٰ علیہ وسلم ” میں منعقد ہوئی تھی جس وقت ولادت کا ذکر پڑھا جا رہا تھا تو میں نے دیکھا کہ یکبارگی اس مجلس سے کچھ انوار بلند ہوئے، میں نے ان انوار پر غور کیا تو معلوم ہوا کہ وہ رحمتِ الٰہی اور ان فرشتوں کے انوار تھے جو ایسی محفلوں میں حاضر ہوا کرتے ہیں۔
(فیوض الحرمین)
ماخوذ:سیرت مصطفٰی ﷺ
حضرت علامہ عبد المصطفٰی الازہری
پیشکش:مفتی محمد خرم اقبال رحمانی
[/urdu]

11 Responses on Birth of Holy Prophet ﷺ"

  1. Masha Allah Dear Mufti Sahab bohot hi informative article parhne ko mila Allah Pak apke Ilmo Amal me Izafa farmay . khas kar jo apne Mawlidunnabi S.A.W ba Hawalah Kitab Fuyuzul Harmain raqam kia hey hamare Imaan ko aur hamare Milaadun Nabi S.A.W ko manana Izhaar e Mohabbat e Rasool S.A.W ko aur Pukhtagi Ata karta hey.Allah Pak hamen Sacha Pakka Ashiq e Rasool. Banade Ameen !

  2. Rabi Ul Alam Qadri Al Ashrafi says:

    SubhanALLAH…!
    Is Article me Rasool ALLAH ki wiladat r Milad Un Nabi k Dala`il ko behtrin peraaye me byan kya gya he..
    ALLAH pak ham tamam Musalmanon ko Sarkar ka milad mnane ki toufiq ata farmaye r iski barkaton se mala maal farmae..! Ameen

  3. محمد منورعلی says:

    حضور آپ آئے تودل جگمگائے۔۔۔۔۔۔

  4. Ashraf ali says:

    Mashalla apne bohat acha artical likha he or mujhy bohat malomat mili allha apko jazae kheir aata farmaen ameen……

  5. MA SHA ALLAH HAZRAT SAHIB ,BHT IMPORTANT AND INFORMATVE SUBJET HE YE,, AAP NE JO HAWALA PESH KIA SHASAHIB KA US SE MUNKREEN MEELAD UL NABI SALLAHO ALAIHE WASSALAM KO SABAQ HASIL KRNA CHAYE ,, ALLAH TAALA SE DUA HE K WO HAMEN INTIHAI AQEEDAT OR EHTRAM K SATH MEELADEMUSTAFA SALLALAHO ALAIHI WASALLAM MANANE KI TOUFEEQ ATA FARMAY,,,, AAMEEEN
    SARKAR KI AAMAD MARHABA ,,, AAQA KI AAMAD MARHABA

  6. Abdullah Hasnain says:

    Masha Allah bht hi Acha Article he Eid Melad ul Nabi Salallahoalihy waalihi waslam k Mozo par mujhe is se bht hi istifada hasil howa . Allah Tabark watala Apko deein o dunya ki Naematon se sarfaraz farmaen.

  7. muhammad Basharat says:

    Mashalla mufti sab Allah Pak Ilme Nafe’ Ata farmay Mazmoon parh kar bht khushi hui Allah Pak hamen Piyare Aqa Alaihissalat o Was Salam ki Sachi pakki suthri Mohabbat naseeb farmay aameen !

  8. muhammad Basharat says:

    Mashalla Allah Pak Ilme Nafe’ Ata farmay Mazmoon parh kar bht khushi hui Allah Pak hamen Piyare Aqa Alaihissalat o Was Salam ki Sachi pakki Mohabbat naseeb farmay ameen….!

  9. Hamid Raza says:

    ALLAH deen o dunya me rehmaten nazil farmaye.

Leave a Message

Your email address will not be published. Required fields are marked *

online support software